தரமான நிகழ்ச்சிகளை வழங்கி பெருமளவு ரசிகர்களை தம்வசப்படுத்திய நமது முதற்தர வானொலி சூரியன் எப்.எம் நடாத்தும் மற்றுமொரு சமூகப்பணியான சூரியனின் உதவும் கரங்கள் நிகழ்ச்சி மீண்டும்ஆரம்பித்துள்ளது.
கடந்த வருடம் போலவே இவ்வருடமும் வானத்து அமரன் யேசுபாலன் மண்ணுலகம் வந்த பொன்நாள், பிறந்த தினமாகிய நத்தார் பண்டிகையை சிறப்பிக்கும் முகமாக, ஆதரவற்று சிறுவர் இல்லங்களில் இருக்கின்ற கள்ளம் கபடமற்ற அந்த செல்லச் சிறார்கள் உள்ளமெள்ளாம் மகிழ, உதவும் கரங்களால் அவர்களை அரவணைத்து அன்பளிப்புகள் வழங்கி,அவர்களுக்கு நம்பிக்கை தரும் நத்தாரை நன்நாளாய் ஒளிரச் செய்யவுள்ளோம். இந்த அன்புச் செல்வங்களுக்கு நீங்களும் உதவ விரும்பினால் உங்கள் உதவிகள் பற்றிய விபரங்களை தினமும் காலை 9 மணி தொடக்கம் இரவு 9 மணி வரை, சூரியன் எப்.எம் இன் தொலைபேசி இலக்கத்திற்கு, இலங்கை நேயர்கள் 011 4 799 775 என்ற இலக்கத்தின் வழியாகவும்,அதே போல் சர்வதேச நேயர்கள் 00 94 11 4 799 775 என்ற இலக்கத்தின் வழியாகவும் அழைத்து பதிவு செய்து கொள்ளுங்கள்.
அந்த பிஞ்சு சிறார்களுக்கு தேவைப்டுகின்ற பொருட்கள் ஆவன..
பாடசாலைப் பொருட்களான:- அப்பியாசக் கொப்பிகள்,பென்சில்,பேனா,நிறப்பெட்டி போன்ற அடிப்படைப் பொருட்கள், புத்தகப்பை, பாதணிகள், குடிநீர் போத்தல் போன்றவைகள்.
விளையாட்டுப் பொருட்கள், புதிய ஆடைவகைகள், டொபி,பிஸ்கட்,சொக்லேட் போன்ற திண்பண்டப்பொருட்கள். இவ்வாரான பல சிறுவர்கள் சம்பந்தப்பட்ட பொருட்களை அன்போடு எதிர்பார்க்கிறோம். முந்திக் கொண்டு நீங்களும் உங்களால் இயன்ற உதவியினை (சிறியதோ,பெரியதோ), உதவிக்கரத்தினை நீட்டும் படி கேட்டுக் கொள்கிறோம். யேசுபாலன் மண்ணுலகத்தில் உதயமான தினத்தை உதவிக்கரம் நீட்டிய மனநிறைவுடன் கொண்டாடுங்கள்.
